Av. Arian Salati

Arian Salati është avokat pranë Dhomës së Avokatisë Tiranë që nga viti 2006, me një karrierë dyzetvjeçare në gjyqësor, në administratën e drejtësisë dhe në avokati. Ka përfunduar studimet në Fakultetin Juridik të Universitetit të Tiranës në vitin 1985.

Për më shumë se një dekadë ka shërbyer në Gjykatën e Rrethit Vlorë: gjyqtar (1985–1997), kryetar i gjykatës (1997–1998) dhe sërish gjyqtar (1998–2000). Në Ministrinë e Drejtësisë ka ushtruar funksionet e Këshilltarit të Ministrit (2000–2001) dhe të Drejtorit të Drejtorisë së Inspektimit (2001–2006). Në vitet 2001–2005 ka qenë anëtar i Këshillit të Prokurorisë dhe i grupeve të punës për ndryshimet në Kodin Civil, Kodin e Procedurës Civile, Kodin Penal dhe Kodin e Procedurës Penale.

Ka ushtruar gjithashtu veprimtari si pedagog i jashtëm në Shkollën e Avokatisë dhe si anëtar i Bordit të Autoritetit të Mbikëqyrjes Financiare. Formimin profesional e ka plotësuar me kurse kualifikimi dhe trajnime në të drejtën civile, penale, tregtare dhe të pronësisë në Itali, Hungari, Francë, Angli, Gjermani, Spanjë dhe Egjipt.

Prej vitit 2026 është përfaqësues i Dhomës së Avokatisë Tiranë në Këshillin e Përgjithshëm të Dhomës së Avokatisë të Shqipërisë. Zotëron italishten.