Av. Redi Ramaj

Redi Ramaj është avokat me përvojë në këshillimin ligjor dhe përfaqësimin gjyqësor, me veprimtari në fushën e së drejtës civile, penale, tregtare dhe administrative. Prej vitit 2012 ushtron profesionin pranë studios ligjore “Shala & Partners”, duke ofruar asistencë juridike për individë dhe shoqëri tregtare.

Është diplomuar në Fakultetin e Drejtësisë të Universitetit të Tiranës në vitin 2009 dhe ka marrë titullin “Avokat” në vitin 2012. Përvoja e tij përfshin angazhimin në çështje civile, administrative dhe tregtare si dhe këshillimin dhe pjesëmarrjen në procese penale dhe hetime paraprake.

Krahas praktikës së avokatisë, përvoja e tij përfshin këshillimin ligjor pranë komisioneve parlamentare të Kuvendit të Shqipërisë dhe mësimdhënien e së drejtës së detyrimeve në Universitetin “Luarasi”. Në veprimtarinë parlamentare është angazhuar në analizën e projektligjeve, çështjeve kushtetuese dhe procedurale, të drejtave dhe lirive të njeriut, si dhe përafrimit të legjislacionit. Gjithashtu, ka kontribuar në organet drejtuese të Dhomës së Avokatisë të Shqipërisë, si anëtar i Këshillit të Përgjithshëm dhe i Komitetit Drejtues.

Qasja e tij profesionale mbështetet në analizën e kujdesshme të çdo çështjeje, komunikimin e qartë me klientin dhe përkushtimin ndaj mbrojtjes së të drejtave dhe interesave të tij. Ofron këshillim dhe asistencë juridike në shqip, anglisht dhe italisht.